Driving License : దేశ వ్యాప్తంగా డ్రైవింగ్ లైసెన్స్ ఉన్న వారికీ గుడ్ న్యూస్ —లైసెన్స్ కాలపరిమితి పెంపు …!

Driving License : దేశ వ్యాప్తంగా డ్రైవింగ్ లైసెన్స్ ఉన్న వారికీ గుడ్ న్యూస్ —లైసెన్స్ కాలపరిమితి పెంపు …!

డ్రైవర్లపై భారాన్ని తగ్గించి, వారికి గణనీయమైన ఉపశమనం కల్పించేందుకు కేంద్ర రోడ్డు రవాణా మంత్రిత్వ శాఖ పలు కీలక నిర్ణయాలు తీసుకుంటున్నట్లు సమాచారం. డ్రైవింగ్ లైసెన్సుల ( Driving License ) కాలపరిమితిని పొడిగించడంతో పాటు, మరిన్ని ఆన్‌లైన్ సేవలను ప్రవేశపెట్టాలని ప్రభుత్వం యోచిస్తోంది.

ప్రస్తుత నిబంధనల ప్రకారం, రవాణా వాహనాలు కాని వాటి డ్రైవింగ్ లైసెన్సులు 20 సంవత్సరాల పాటు లేదా లైసెన్స్ హోల్డర్‌కు 40 ఏళ్లు వచ్చే వరకు, ఈ రెండింటిలో ఏది ముందుగా వస్తే అంతవరకు చెల్లుబాటులో ఉంటాయి. అయితే, ఈ నిబంధనను సవరించి, లైసెన్స్ హోల్డర్‌కు 50 ఏళ్లు వచ్చే వరకు చెల్లుబాటు కాలాన్ని పొడిగించాలని ప్రభుత్వం యోచిస్తోంది. ఇది అమలయితే, లైసెన్స్ హోల్డర్‌కు 50 ఏళ్లు వచ్చే వరకు తరచుగా పునరుద్ధరణలు చేసుకోవాల్సిన అవసరం, రవాణా కార్యాలయానికి పలుమార్లు వెళ్లాల్సిన పని ఉండదు.

లైసెన్స్ కాలపరిమితిని పొడిగించడంతో పాటు, ప్రాంతీయ రవాణా కార్యాలయాల (RTO) సేవలను మరింత డిజిటలైజ్ చేయడానికి కేంద్ర ప్రభుత్వం ప్రణాళిక రచిస్తోంది. లైసెన్స్ పునరుద్ధరణ, చిరునామా మార్పు, Duplicate licenses జారీ వంటి దాదాపు అన్ని అత్యవసర సేవలను పూర్తిగా ఆన్‌లైన్‌లో అందించేందుకు పోర్టల్‌ను అప్‌గ్రేడ్ చేస్తున్నారు. ఆన్‌లైన్ ప్రక్రియను మరింత పారదర్శకంగా, వినియోగదారులకు అనుకూలంగా మార్చడం ద్వారా మధ్యవర్తులు లేదా ఏజెంట్ల పాత్రను పూర్తిగా తొలగించాలని ప్రభుత్వం లక్ష్యంగా పెట్టుకుంది.

ఆధార్ e-KYC ని ఉపయోగించి వినియోగదారులు తమ ఇళ్లలోనే సౌకర్యవంతంగా వెరిఫికేషన్ ను పూర్తి చేసుకునేందుకు వీలుగా చర్యలు తీసుకుంటున్నారు, దీనివల్ల వారు కార్యాలయానికి వెళ్లాల్సిన అవసరం లేకుండా సేవలను పొందగలుగుతారు.